விஜய் சேதுபதி நடிப்பில், பாலாஜி தரணிதரன் இயக்கத்தில் வெளியாகியிருக்கும் 'பத்தா' திரைப்படம் நல்ல வரவேற்பைப் பெற்று வருகிறது. அட்லீ தயாரித்துள்ள இந்தப் படத்திற்கு சாய் அபயங்கர் இசையமைத்திருக்கிறார்.
இந்தப் படத்தில் சபரி கதாபாத்திரத்தில் நடித்த சாய் பிரித்விராஜ் என்கிற சிறுவன், பாராட்டுகளைப் பெற்று வருகிறார். இன்று இப்படத்தின் சக்சஸ் மீட் நடைபெற்றது.

இந்த நிகழ்வில் சாய் பிரித்விராஜ், "நிஜமா எனக்கு ரொம்ப ரொம்ப சந்தோஷமா இருக்கு. ஏன்னா, இது என்னோட முதல் சினிமா பயணம். இதுவரைக்கும் ஒரு படத்துல கூட நான் நடிச்சது இல்லை, இதுதான் என்னோட ஃபர்ஸ்ட் மூவி. ஆரம்பத்துல எனக்குள்ள ஒரு சின்ன பயமும், அதே நேரத்துல மிகப்பெரிய சந்தோஷமும் இருந்துச்சு.
அந்த நேரத்துல எனக்குள்ள என்னென்னவோ எமோஷன்ஸ் போயிட்டு இருந்துச்சு, அதை வார்த்தையால எப்படி வெளிப்படுத்துறதுன்னே எனக்குத் தெரியல.
ஆனா, செட்ல எல்லாருகிட்டயும் ரொம்ப ஜாலியாதான் பழகினேன். டைரக்டர் பாலாஜி தரணிதரன் சாருக்கும், விஜய் சேதுபதி சாருக்கும் ரொம்ப நன்றி.
செட்ல நான் அங்கேயும் இங்கேயுமே ஓடிட்டே இருப்பேன். ஆனா எல்லாரும் என்னை ரொம்ப நல்லா கவனிச்சுக்கிட்டாங்க.
இந்த 60 நாள் 'பத்தா' படத்துல வேலை பார்த்த அனுபவம் மறக்க முடியாதது. குறிப்பா, என்னை கேமராவுல ரொம்ப அழகா காட்டியிருந்தாங்க.

படத்துல நானும் விஜய் சேதுபதி சாரும் பேசுறப்போ, என்னை அவ்வளவு அழகா ஃப்ரேம் பண்ணியிருந்தாங்க. அந்த சீன்ல நடிக்கும்போதே நான் நிஜமாவே அழுதுட்டேன்.
விஜய் சேதுபதி சாருடன் நடிக்கும்போது பயமாத்தான் இருந்துச்சு. ஆனா, அதை நான் வெளியில காட்டிக்கவே இல்லை. பயத்தை முகத்துல வர விடாம அப்படியே கட்டுப்படுத்திவிட்டேன்" எனப் பேசி முடித்தார்.
பத்தா விமர்சனம்: 80ஸ் டானை அலறவிடும் பள்ளிச் சிறுவன்; விஜய் சேதுபதி தரும் ஃபீல் குட் சினிமா!











Comments (0)
Be the first to share your thoughts.