மாதம்பை – குளியாப்பிட்டிய வீதியின் ஹெலபண்டாரகம பகுதியில் இடம்பெற்ற கொடூர மோட்டார் சைக்கிள் விபத்தில் ஒரே குடும்பத்தைச் சேர்ந்த இரண்டு சிறுவர்கள் பரிதாபமாக உயிரிழந்துள்ளதுடன், அவர்களின் தாய் பலத்த காயமடைந்து வைத்தியசாலையில் அனுமதிக்கப்பட்டுள்ளார்.
பயணித்துக்கொண்டிருந்த மோட்டார் சைக்கிள், கட்டுப்பாட்டை இழந்து வீதியை விட்டு விலகி அருகிலிருந்த மின்சாரத் தூண் ஒன்றுடன் மோதியதாலேயே இவ்விபத்து சம்பவித்துள்ளதாகத் தெரியவருகிறது.
இவ்விபத்தில் தும்மலசூரிய – வீரகொடியானை பகுதியைச் சேர்ந்த 17 மற்றும் 11 வயதுடைய சகோதரர்களே சம்பவ இடத்திலேயே உயிரிழந்துள்ளனர்.
விபத்தில் படுகாயமடைந்த அவர்களின் தாய், உடனடியாக சிலாபம் பொது வைத்தியசாலையில் அனுமதிக்கப்பட்டு தீவிர சிகிச்சை பெற்று வருகின்றார்.
இச்சம்பவம் தொடர்பான மேலதிக விசாரணைகளை மாதம்பை பொலிஸார் தீவிரமாக முன்னெடுத்து வருகின்றனர்.












Comments (0)
Be the first to share your thoughts.