கோவை காந்திபுரம் பகுதியில் ரூ.301 கோடி மதிப்பீட்டில் கட்டப்பட்ட பெரியார் அறிவுலகத்தை தமிழ்நாடு முதலமைச்சர் ஜோசப் விஜய் இன்று திறந்து வைத்தார்.
இதற்கு முன்னதாக கோவை விமான நிலையத்தில் இருந்து காந்திபுரம் வரை விஜய் ரோடு ஷோ வந்த நிலையில், பொதுமக்கள் மற்றும் த.வெ.க-வினர் உற்சாக வரவேற்பு அளித்தனர். இந்த நிகழ்ச்சிக்குப் பின்னர் அவிநாசி சாலையில் உள்ள பி.ஆர்.எஸ். மைதானத்தில் இருந்து ஹெலிகாப்டர் மூலம் விஜய், கேரளம் மாநிலத்தில் உள்ள திருச்சூர் பகுதியில் நடைபெறும் நவராத்திரி நிகழ்ச்சியில் கலந்து கொள்ள திட்டமிடப்பட்டு இருந்தார்.
இதனிடையே மதிய நேரத்தில் கோவை சுற்றுவட்டாரப் பகுதிகளில் கனமழை பெய்தது. இதன் காரணமாக மோசமான வானிலை நிலவியதால், முதலமைச்சர் விஜய்யின் கேரளப் பயணம் ரத்து செய்யப்பட்டது. இதையடுத்து பெரியார் அறிவுலகத்தில் இருந்து கோவை விமான நிலையத்திற்கு முதலமைச்சர் விஜய் சென்றபோது, மீண்டும் ரோடு ஷோ சென்றார்.
அப்போது மழை பெய்த நிலையிலும் பொதுமக்கள் மற்றும் த.வெ.க-வினர் கலைந்து செல்லாமல் இருந்தனர். வாகனத்தில் குடை பிடித்தபடி சென்ற விஜய், சாலையில் இரண்டு புறமும் காத்திருந்தவர்களை நோக்கி கையசைத்தபடி சென்றார். பின்னர் கோவை விமான நிலையத்தில் இருந்து தனி விமானம் மூலம் சென்னை புறப்பட்டுச் சென்றார்.
ஊத்தங்கரை எம்.எல்.ஏ நடத்திய கூட்டத்தில் கலந்துகொண்ட தவெக நிர்வாகிக்கு அரிவாள் வெட்டு!












Comments (0)
Be the first to share your thoughts.